لا تحسِبْ وْرود تنثَـرْ لـك غـلا وتفلّـه
والبَحَرْ عشرين وِنْجومه وْضِحْك هْلالـه
تعتقد إنّي أنـا مَيِّـتْ .. وانـا لا واللّـه
آنا لا ميّـت حبيبـي لا ولا اللّـه قالـه
لى يبي يقرَبْ خفوقي مـا يجينـي بْزَلّـه
زلّةٍ أسْمَـحْ لهـا ومـن عقبهـا بِزْوالـه
كان عندك هرج بتْقولـه لقلبـي قِـلْ لـه
وش علينا بْهَرْجة المسكين واللـى قالـه
ما عرف شَيٍ في بالي لا بغيت أوصل له
ويذكر اسمي يومهـا وبحلّـه وبترحالـه
من يحب بحب ضايع قلـت اللّـه شلّـه
ضاع واللي ضاع عندي إحتيـاط بْدالـه
والله لا احذفه أنا ويصير حـرف العِلّـ
هيالين ما يضحَكْ عليه ابليس قبـل عْيَالـه
لي (مَسِجْ) يكتب في بالي وعقبها أرسل له
ويدخل بْشاشات حبّـه وينحـرِقْ جَوّالـه
مـن خبالـه إلْخبالـه نيّـةٍ نــاوٍ لــه
ولا بغيت ازيد شاف خْبال غيـر خْبالـه
أرفعـه وارجـع أذلّـه وارفعـه وآذلّـه
لين أسمع مرّتين بأذنـي يـا هـي حالـه
ولو بغاني هو رقى لي والاّ انا ما انزِلْ له
لا له انزِلْ لا له ولا ألـف مـن أشكالـه
ذا طريقي من عرفتـك والطريـق تْدلّـه
الطريق اللي تدلّـه لازم ان تسعـى لـه
خِذْ من الشاعر كلامـه والاّ حبّـه خَلّـه
أنا آحبّك .. لا حبيبي لا ولا اللّـه قالـه
الإثنين 14 أبريل 2008, 1:43 am
