اشر بالمنديل ياهوه اقرووا موضوعي

قصة ولا أروع في منتدى ثاني حبيت انقلها لكم
من عشان تفلونها هع هع هع
بس والله ياأنهم مهايطيه

وأنا جاي من صياعتي آخر العصر قريب من آذان المغرب لما يخش الشروق على
الغروب ، كانت حالتي يرثى لها من لعب الكورة على بالي شيفشينكو .
<<<<<< أطلق شي سواه في المباراة ناول كعب .

المهم وأنا قاعد أتسحبل والكسارات لابسها بيديني تقول قفازات شفت أخوي الصغير جاي من البقالة قلت أيوه لقيت لي أحد أتحارش معه .

وأقعد انتظره عند الباب وهو يوم شافني درا أني ناويه وهو اللي يبطئ مشيه ويمشي على مهله وماوصل الى الباب الا على صلاة العشاء
( وش ذا البزر الفاضي ) .

وأجي مقلع وأستقبله بكف وهو اللي يصطرني بعصير راني حبيبات على جبهتي وقال
لي والغضب يملأ شوشته : أنقلع منت أخوي ولا أنا أعرف ولا عاد تجي بيتنا
ثاني مرة فاهم ؟

ويصك الباب بأقوى ما عنده، أنا هنا تحطمت نفسيا ، بيتنا اللي عشت فيه عمري
كله ( مع تحيات وائل كفوري ) وقضيت أحلى أيامي وأجمل زبناتي يطردني منه
كومة الشعر ذا
<< - - والله أهانة .
رحت أسئل أهلي عن حقيقة نفسي فقالوا لي أني ماني ولدهم وأنما هم لقوني بكرتون حليب بوني هدية بدال القلم .

أنا قلت له مالي قعده معكم أباخذ ثيابي وأخلي لكم البيت باللي فيه ( متأثر بفاتن حمامة ) .

والله وأربط ثيابي بشماغ وأشيلها بعصا وأنا أنزل من الدرج طلعت أغنية حزينه وأهلي كلهم عند الدرج واقفين يبكون وحال لسانهم يقول
ياليت ربي ماخلق حب وأفراق
و إلا خلق حب على غير فرقا .

وأطلع أنا أتمشى على البحر مسوي حزين مثل فؤاد بخش وأنا أتمشى وأفكر بعمق ما دريت الا وانا بوسط البحر .
<< -- كل تبن

وأنا أتمشى وأفكر بعمق جاني شخص وإذا به يطلع عبد الجبار راعي البقالة
وأشرح له أن أخوي الصغير طردني وأني أبقزرها على الفنادق الخمس نجوم لين
ما تتعدل الأمور لأني أخذت كل بطاقة ماستر كارد موجودة في البيت حتى بطاقة
زجول أخذتها من زود النجاسة .

قال تجلس بفندق وعزبتي موجودة هزلت بما تقول به العرب
<< -- وش عنده حاتم الطائي ؟؟
والله ويحلف أني أجي عنده حتى يفرجها رب العالمين والله ويكرمني كرم يهايط على هياط ما هو موجود عند أحد .

ويسوي ويفعل ويعمل عمايل جدي نساها .

أول ما قلطت عنده يقوم ينحر القعود قدامي .

ويسوق علي دلة قهوة مهيلة وبيالة الشاي اللي ماهي صاحية وأتوقع أنه غاشني لاني بعد بيالة الشاي صرت شاعر على سن ورمح .

وماقصر جزاه الله خير يوم أنه لقالي شغل ببقالتة .

ومع مرور الأيام صارت البقالة سوبر ماركت له أسمه في السوق ( شركة سابك ما
هي بقالة ) وأقترحت أنا وعبدالجبار لصاحب البقالة أننا ننزل أسهم السوبر
ماركت .

نزلنا الاسهم في بورصة ناسداك للأوراق المالية وماقعدت يومين الا والدولار طايح بسببنا
<< قل والله

ولا زلت أنا والهندي مع بعض الى أن جاءت لحظة الوداع وجمع له قرشين وسافر لأهله .

وكل ما أمر على بيت أهلي اللي ما هم أهلي أفحط وأتفل عليه .
ومرة وأنا قاعد أرتب أوراق السوبرماركت واشوف وش لنا وش علينا دخل علي
الزنجي وقال أنا جايب لك زبون يبي منك تموين كامل لمدة خمس سنوات قلت تحري
بها والله
قال بس لي عمولة قلت والله أني داري أنها مو لله .

أتفقت عليه أنه يجيب الزبون عندي يوم شفته ما صدقت طلع بيل غيتس وأغمي علي
ويقعد الزنجي يرشني بالموية ويدق لي خبيتي قمت منزعج وكسرت الطيران على
راسه قلت له شايفني مثلك يوم تدق لي .

وأقوم وأعتذر من أبو الشباب اللي عندي وأخلي خويي يصلح لنا شاي من اللي هو خابره .

قعدت اراجع الاوراق اللي جايبها لي بيل غيتس وأناظر فيه بنص عين ما أمداه يكمل كلامه ألا عطيته بالملف على جبهته وطردته .
طلعت عليه أقساط دداسن ماهو مسدها والمعارض طلبه
( حتى عندهم دداسن مثلنا ، الطيور على أشكالها تقع ) .

خلصت شغلي آخر الليل زي الخلق والبشر وأتممته على الوجه الصحيح .
وأنا طالع كان فيه شلة فاسدة بآخر الشارع
( أحلى يا مؤدب ) .

عرّت براسي أعطيها وحدة مع اللفة وأجي طاير وأدخلها مع اللفة ويقعدون يصفقون يصايحون .

أنا أنتفخ راسي بقوة قلت لازم آخذ شوط ثاني. وأعطيها نطلتين وعكسية ويزيد التصفيق والحماس وأنحرج معاهم قلت لازم أكلمهم .

قلت لهم يا شباب لا تعطوني أكثر من حجمي نط واحد منهم وقالي وخر بس خلنا نشوف زين .

وأطالع وراي وأشوف سواقه في حياتي ما شفتها ودريت أن التصفيق ماهو لي فسحبت نفسي أصرف لي .

حركت وعطيت الموتر حقه وبالطريق للعزبة قدّر الله علي وسويت حادث
<<<<<<<< قاعد تشحد ؟ .

لكن لا تخافون أنا مأمن على الرخصة لكن ما صحيت الا بالمستشفى من قوة الحادث .

وأنا أخلص أجراءات المستشفى دخلت الارشيف ومن باب المصادفة لقيت ملفي
ولقيت أني ولد أمي وأبوي مية بالمية وأتحرى أكثرعن سبب الطردة المحترمة
طلعت المؤامرة مدبرة من أخواني علشان ياخذون راحتهم بالبلاي ستيشن
والتلفزيون .
( مؤامرة دلوخ )
وأدخل عليهم برشاش وأجمعهم واحد ورا الثاني وأقعد اكفخ فيهم وأطبق عليهم
حركات المصارعة << شون مايكل ,, الشرهه مو عليهم الشرهه على أمي
اللي مصدقتهم أول ما شافتني تغطت عني يعنني ماني محرم لها .

وأجمع أغراضي من العزبة وأتكي علة على قلوبهم .

والى اليوم تجري المفاوضات بشأن أتفاقية خارطة البلاي ستيشن بيني وبين أخواني .

ههههه اللــــــه يقطــع بليسهــــم

علشــآن بـلآي ستيشـــن (:

اهــم شــي اثبــت وجــودهـ بالبقــآلــه قصــدي

الســوبـر مـآركــت ^_*

يصلموو مـس بهــم علـــى القصــه.....

لعزتي هيبه كتب:: ههههه اللــــــه يقطــع بليسهــــم

علشــآن بـلآي ستيشـــن (:

اهــم شــي اثبــت وجــودهـ بالبقــآلــه قصــدي

الســوبـر مـآركــت ^_*

يصلموو مـس بهــم علـــى القصــه.....

اشر بالمنديل ياهوه اقرووا موضوعي C7b016e75

هههههههههههه

حللللوه هديه

بحليب بوني

عجبتني ذي

يعطيك الف الف عافيه

عالقصه المجنووونه

مشكوره عالقصه هههههههههههههههههههههههه

بنت كيوووت كتب:: هههههههههههه

حللللوه هديه

بحليب بوني

عجبتني ذي

يعطيك الف الف عافيه

عالقصه المجنووونه

الله مير يسلمك

مذهله كتب:: مشكوره عالقصه هههههههههههههههههههههههه

الله مير يسلمك