دستور مجلسنا

حبيت اخبركم عن دستور مجلسنا
واقول لكم ماهنا قوانين خلاص حطوو الي تبوونه وسوا الي تبوونه


تراي عادي منيب اخالف ابد بما اني حبيبه وخطيره <<< ياليل ما طولك


لا لاتصدقوون تراي امززح عندي كم شريط (( شريط = تصغير لـ كلمة شروط مهوب يجي احد يقول لايكون مسجله عني شريط وبتهددني فيه <<برا ))


المهم الشرووط


كـ التـــــالي :

1- اول شيء هذا قصم المعقول يعني موب القى بكرا احد منكم كاتب موضوع


في قطو اندعس في الشارع << يا الله قل قصم بس انت

ولا واحدن ثاني يقول ترى فتحو فرع جديد من ابو ريالين في الرياض ؟؟ << ياخي حرام عليك وين الغرابه من كثره خطر ما يفتحون في كل بيت فرع في السطوح << والله مهيب شينه لوووول




2- ان الموضوع يكوون جديد



يعني موب يجي واحد يقول دريتو ان الملك فيصل (( الله يرحمه)) سمح بتعليم البنات ؟؟



3- بعض الردود الي ترفع الضغط


يعني شكرا - يعطيك العافيه << لاااه تكلفت عسى بس ماخسرت حبر واجد


ياخي موب ضارك لو قلت رايك في الموضوع حتى لو كلمتين همن شكرت صاحب الموضوع


وع العمووم ترى miss pahaam تقول الحبر ببلاش يعني خذ راحتك
عاد قلنا خذ راحتك بس موب راعي الموضوع يقول شكرا لانك رديت وبعدها يجي الي يرد يقول شكرا لانك رديت علي يوم رديت همن يجي الراعي ... الخ << شكلي مطوله روحووو جيبي لكم شي تاكلوونه لووووووول



4- اذا صار الموضوع مهم جدا يعني ياليت الواحد يجيب مصدر الخبر (( جريده - موقع مثلا ))


يعني مثل خبر تأجيل دراسه او اجازه رسميه او السماح بسواقه الحريم << رددي يالليل مطولك



5- طبعا ماراح اقووول ان الموضوع ما يخالف دينا ولا عاداتنا وتقاليدنا لانكم ماشاء الله عليكم مؤدبين واخلاق

هالشيء راح تطبقوونه بدون ما احطه من الشروط



واي احد يخالف هالشروط ياويليله يا سواد ليله


ممكن اسوي فيه أو أو << عز الله محد معتب على القسم ابد لوووول

يعني انا موب اكتب واتعب عمري على الشروط ولا القى تطبيق لها << اخبر انتس حبيبه لووووول


وبسسسس

دمتم بود

يعطيك العافية

الله يعافيك