عزيزتي الزوجه .. تخيلي نفسك بهالموقف

أهلن أهلن بالمتزوجآت

..

أخوآتي المتزوجآت الحبيبات .. ؟

تخيلي نفسك بهالموقف

أنكم طالعين من عزيمه أو عرس.. أنت وأم زوجك وخواته....

طبعا زوجك اللي بيوديكم للبيت والمشوار طويل شوي .. اوكي

وانتم ماسكين الطريق إلا أم زوجك ( احنا نسميها {خاله} وفي روايه يسمونها {عمه} خاصه البدو واهل الجنوب)

المهم خالتك ذيك الساعه منفتحه نفسها للسواليف ومبسوطه لأنها توها مقعده راسها بكم بيالة شاهي

وتبدا تسوووووولف على ولدهااا ..

عرسهم يهبببل .. ما شالله عليهم ... ومهنا شي ماحطوه حلويات اشكال والوان و الموالح ماينشبع منهاا ابد

والعشاء عجزت أشبع منه!!.... حاطين شي يعرف وشي مايعرف

والاكلات الشعبيه (اهم شي في الموضوع) مااااخلو شي ما حطوه مدري بس ماشالله من اللي مسوي هذا كلللله الله يحرسهم باسمه

المهم ..
وهي ماسكتهم مدح وشرخ ..

مادريتي إلا يوم فرت الموجه على المعازيم وبدت تسولف وتقول ..

ياملح ذوليك البنيات اللي قامن يرقص ملح وقبله وجرم (يعني جسم) كل وحدتن تقول أنا القمرررر} ماشالله الله لايضرهن}

أقول يافلااااانه...(تنادي وحده من بناتها) وش رايك بذيك البنيه أم أحمر اللي مغير ترقص وتناقز وش رايتس فيها ؟؟ نخطبها لفلان (واحد من عيالها)

كل هذا وانت تسمعين و زوجك فاتح كشرته يتسمع للسواليف مستاااانس و تقاطر سعابيله

وتجاوب بنتها (المسئوله) أي والله يمه لاتفوتنا تكفون اسألي عنها شوفي منهي بنته ووين تدرس ..!!!

وتبدا السواليف بين الأم وبناتها عن فلانه وفلانه وذيك أحلى لاذيك أحلى .. لا ذيك جسمها مخصر ولها (.......) .. وكلااام طويل عريض مايقال قدام رجال بأي حال من الأحوال ..

بالله وش ردة فعلك في هالموقف .. ؟؟؟

وش بتسوين ووش بتقولين وبأيش بتحسين .. ؟؟؟؟

واي وحده متزوجه أو غير متزوجه (تتخيل أنها متزوجه) ترد رجااااااااااء أبغا اشوف وش
بتسوون لو كنتو في هالموقف

والله الله بالردود

يعطيكـ العافيهــــ......
صراحه لاتعليق

هههههههههههه عطينا ررايك يامديرتنا

بصراحه مدري مدري صاقه مس بهم